sábado, 7 de outubro de 2017

Vacínate contra a Gripe.

A campaña de vacinación contra a Gripe está apiques de comezar.
Desde os servizos sanitarios recomendan aos menores con diabete que se vacinen.
Desde ANEDIA animanos a todas as familias a participar na campaña.


luns, 11 de setembro de 2017

RECOMENDACIÓNS PARA O INICIO DE CURSO

Hoxe volveron ás aulas os cativos e cativas de infantil e primaria e o venres farano os de secundaria.
Para os mamás e papás dos menores con diabete tipo I, volven os medos, as preocupacións.
Que tal será a titora ou o titor deste curso?, entenderá que o meu pequen@ ten que ir ó baño máis do habitual?, que debe comer e beber na clase?, que debe facer controis de glicemia?,...? Estas e outras dúbidas véñennos á cabeza.

Antes de empezar a preocuparnos polo que poderá pasar no centro educativo, empezemos por facer o noso traballo e informar convintemente de tódalas necesidades do noso fillo e/ou filla durante o tempo que permanece na escola.

Recomendacións para o inicio de curso:
  • Solicitar un informe médico, no que se detallen os coidados que o menor necesita durante a estancia no centro educativo.
  • Incorporar ó noso fillo ou filla ao programa de alerta escolar (hai que pedir o impreso na secretaría do centro e acompañalo dun informe médico).
  • Solicitar, na secretaría do centro, a execución do Protocolo de atención a escolares con doenzas crónicas e en concreto da addenda de diabete, así como  a redacción do plan de atención individualizado.
  • Levar o centro educativo o glucagón, cunha bolsa neveira para o seu traslado fora do centro nas saídas. (solicitar que o garden na neveira). Recomendable levar tamén unha pluma de insulina. 
  • Levar para que esté a disposición do noso fillo ou filla en caso de necesidade, unha caixiña con: zume, galletas, azucre, medidor de reposto, tiras, agullas, ...)
  • Actualizar a información que ten o centro sobre o noso fillo ou filla en relación coa diabete. 
  • Solicitar unha reunión co titor ou titora.
É a nosa responsabilidade:
  •  Que o glucagón e a insulina non estén caducados, anotade a data de caducidade na casa, para que non se vos pase substituílos antes de que caduquen.
  • Repor o glucagón, insulina, azucre, galletas, zume,...
  • Trasladar ó centro a información nova en relación coa diabete que deba ser tida en consideración no centro educativo.

Desde ANEDIA desexámosvos a todos un bó curso escolar e poñémosnos a vosa disposición para o que precisedes.
QUE A DIABETE NON TE PARE