Xornada de convivencia

A asociación de nenos e nenas con diabetes de Galicia (ANEDIA) convoca o domingo día 13 unha xornada de deporte, cultura e convivencia para toda a familia no Concello de Silleda, á que está invitada a sociedade en xeral para conmemorar o primeiro mes da publicación do Protocolo de Atención ao Alumnado con Diabete que a Consellería de Educación e Ordenación Universitaria lle presentou á Xunta Directiva da Asociación o pasado 13 de Novembro.
Anedia continúa co seu programa de actividades para a sensibilización e concienciación social en relación coa diabetes en idade infantil e este domingo ten organizada unha convivencia familiar que inclúe diversas actividades nos concellos de Silleda e Vila de Cruces que fomentarán a convivencia de nenos e adultos con diabetes e sen ela.
A cita será ás 11.00 horas no Mosteiro do Carboeiro en Silleda, terá una duración aproximada de oito horas e está pensada para un nivel de esixencia baixo ou medio segundo a elección dos participantes. 
Contará co asesoramento do deportista pontevedrés Diego Castro, coa colaboración do Concello de Silleda e cos guías turísticos do Mosteiro do Carboeiro.

A actividade está estruturada coas seguintes actividades: 
1. Faremos dúas rotas de sendeirismo, adaptada a todas as idades:
- Rota de 3 km pola mañán: (11:00 a 12:15). Ao redor do mosteiro de Carboeiro. Ida e volta dende o mosteiro. Adaptada para maiores de 4 anos. Máis información en: http://www.areasantiago.es/senderos-mcs/senda-botanica-de-carboeirohttp://www.lavozdegalicia.es/noticia/deza/2015/01/02/mosteiro-carboeiro-tera-primeira-senda-botanica-silleda/0003_201501D2C79910.htm- 
- Rota de 13 km pola tarde: (15:00 a 18:30) Saída do mosteiro de Carboeiro. Percorreremos a naturaleza ó redor do río Deza. Farase unha parada no medio do camiño. Chegaremos ata a fervenza máis alta de Galicia, (Fervenza do Toxa) e subiremos ó seu mirador. Logo voltaremos ó mosteiro. Dificultade media. Máis información en http://www.turismosilleda.es/sende_dodeza.php
Para as rotas, recomendarase vestuario axeitado, calzado cómodo e adaptado a monte, abrigo e roupa para mudarse no coche (unha toalla, calcetíns, etc). Débese levar auga e alimento lixeiro no que estimemos necesario, son 3 horas e media camiñando. É importante ter en conta para as persoas con diabete que imos en horario de insulina no corpo: non recomendamos pinchazos nas pernas.
2. Aqueles que non se vexen con capacidade para realizar esta segundo rota cabe a posibilidade de que realicen unha visita guiada polo Mosteiro da man de guías expertos e adaptada para todos os públicos (O mosteiro de Carboeiro está considerado unha das mellores mostras de arquitectura medieval de Galicia. Descubre máis de 1000 anos do noso pasado apalpando as súas pedras, pisando as sendas que outrora utilizaron monxes, campesiños e peregrinos camiño de Santiago. Descubre como foi construído o mosteiro de Carboeiro, como vivían os seus moradores, que papel tiveron na nosa historia e, sobre todo, goza con nós da visita e do noso patrimonio. http://www.turismosilleda.es/carboeiro.php3. 
3. Ademáis, antes da comida faremos unha charla informativa sobre contaxe de hidratos nas comidas fóra da casa, excursións, campamentos, etc. Impartida por Diego Castro e dunha duración aproximada de 50 minutos. Será de 12:30 a 13:20.4. 
4. O xantar será nas proximidades da área recreativa A Carixa no concello de Vila de Cruces. 
A actividade está aberta a todo o público pero precisa confirmación das persoas que van acudir a cada unha das actividades, co fin de realizar as reservas oportunas, en anediagalicia@gmail.com

I milla pola diabete

Nas seguintes ligazóns podedes ver unhas galerías de imaxes da I Milla pola Diabete do pasado 14 de novembro.

https://www.facebook.com/media/set/?set=a.794434173998470.1073742032.270747669700459&type=3&pnref=story

http://pontevedraviva.com/galeria/1717/milla-diabete-anedia-fotos/#/0

Protocolo de atención ao alumnado con diabete

O pasado venres día 13 de novembro de 2015 (vísperas do Día Mundial da Diabete) nunha reunión co Conselleiro de Educación de Ordenación e Universitaria da Xunta de Galicia, foille presentado á directiva de ANEDIA o Protocolo de Atención ao Alumnado con Diabete que redactou a citada Consellería coa colaboración da Consellería de Sanidade e de pais e nais de nenos/as con diabete

Así xa dende ese mesmo venres está publicado na páxina web da consellería o PROTOCOLO DE ATENCIÓN AO ALUMNADO CON DIABETE como unha ADDENDA ao Protocolo de Urxencias Sanitarias.

Podedes consultalo na seguinte ligazón:

http://www.edu.xunta.es/portal/sites/web/files/addenda_diabete_completo.pdf

Grazas a todos os que coa vosa axuda, colaboración e implicación fixestes posible este protocolo que significa un paso adiante moi importante na nosa loita.

http://pontevedraviva.com/xeral/23965/anedia-reunion-conselleiro-protocolo-edificio-azul/?lang=gl#/0

http://www.xunta.es/notas-de-prensa/-/nova/4685/cultura-educacion-aborda-coa-asociacion-anedia-protocolo-atencion-alumnado-con

http://www.farodevigo.es/portada-pontevedra/2015/11/15/protocolo-alumnos-diabetes/1351344.html

http://noticiasvaldeorras.com/mas-actualidad/galicia-comunidad/el-protocolo-de-atencion-al-alumnado-con-diabetes-disponible-para-toda-la-comunidad-educativa-desde-hoy/

Día Mundial da Diabete 2015

A Asociación está moi satisfeita cos actos que realizamos este ano para conmemorar o Día Mundial da Diabetes 2015. A charla informativa dirixida a persoas con diabetes ou coidadores/as das mesmas foi un éxito de participación ao igual que o concerto da  banda de música infantil de Campo Lameiro e o posterior encendido do Concello e da Deputación Provinvial de Pontevedra en azul co toque musical do grupo Madia Leva ao que acudiron representantes da vida política, social e culturala da cidade: a Xefa Territorial de Sanidade, o alcalde de Pontevedra, a concelleira de educación e benestar social, a concelleira de deportes, representantes do partido político da oposición (Jacobo Moreira, María José…), representantes do SOS sanidade pública, representantes do CHOP, etc.

A actividade semanal cos comedores escolares de toda Galicia (Pontevedra, Vigo e A Coruña) en colaboración con Serunión e coas asociación e federacións dde pais e nais das distintas localidades, tamén foi un éxito xa que conseguimos darlle unhas nocións básicas sobre diabete infantil dende unha perspectiva lúdica e práctica (con xogos, manualidades, talleres…) a estudantes de educación infantil e primaria de máis de 70 centros educativos.

Pero sen lugar a dúbidas o maior éxito foi o da milla pola diabete do 14 de novembro que inundou a zona da praza de España e Montero Ríos dunha riada de cativos, pais, nais, avós…  que practicaron deporte, merendaron saudable e pasaron unha tarde entretida en familia. Non temos datos oficiais aínda pero as inscricións pecháranse xa o mércores con 630 inscritos pero os menores de 16 podía anotarse o mesmo día ou os días anterior por correo electrónico e “esgotamos os dorsais e as bolsas de abituallamento” xa que alomenos 200 cativos se anotaron no mesmo día.

O acto rematou ao redor das 8:00 da noite coa entrega de medallas da man da concelleira de deportes Anxos Riveiro, os atletas profesionais Solange Pereira e Carlos de la torre e a deputada provincial Digna Rivas; e cun toque musical do Gaiteiros das Rías Baixas. O sorteo de todos os premios aos dorsais non o puidemos realizar in situ na súa totalidade (xa que tiñamos moitos agasallos debido á gran implicación das empresas da cidade: Campaniola, Rías Bajas, Bagos, Cafetín, Lilium, Chema Sport….) así que realizarémolo a través da nosa páxina de Facebook nos vindeiros días e poñerémonos en contacto cos agraciados para facerlle entrega dos mesmos.

Pero todo decorreu sen incidencias, de tal xeito que as enfermeiras, médico, ambulancia, policía local e protección civil se limitaron a vixiar o percorrido e a agardar as incidencias que nunca chegaron.

ANEDIA agradece enormente a participación e colaboración de sociedade en xeral, voluntarios, colaboradores… que conseguiron que  conseguiron un éxito tan rotundo da I Milla pola Diabete.

E todo isto sen esquecer que o venres ás 16:30 o concelleiro de Educación Román Rodríguez veu a Pontevedra a presentarnos o xa publicado ese mesmo día Protocola para a actuación con alumnado con diabete nos centros educativos que a nosa asociación reclamaba con todos este actos.

Estamos moi satisfeitos e moi agradecidos a todos aqueles que fixeron posible todas estas actividades e consecuencias: Concello de Pontevedra, CHOP, Consellería de Educación e Ordenación Universitaria, Deputación Provincial de Pontevedra, Setga, Pic, Viaqua, Spa Bienestar Moaña, Hotel Rías Bajas, Hotel Campaniola, Viñoteca Bagos, Restaurate Cafetín, Lilium, Chema sport, Piñeiro Runningo, Mercaplaza, Consorcio agroalimentario de Galicia, Librería Paz, Librería Cronopios, Foot on Mar, Pontevedrfutbol, Goleada, Centro Comercial Urbano, Atmósfera Sport, Los sueños de Ale y Patt, Prosaga, Froiz, Dibay, etc. e por suposto a todos os nosos asociados e voluntarios.

Cando un neno/a ten diabete pasa por moita situacións nas que se sinte diferente aos demais, cousas da vida cotiá que os pais tratamos de que acepten con naturalidade porque é algo que os vai acompañar toda a súa vida. Así, o neno/a con diabete debe medir a súa glicosa, debe de inxectarse insulina, debe  tomar determinadas racións de hidratos de carbono e ademais todo isto débeo facer en momentos concretos, aínda que estea no colexio, no parque, no aniversario dun amigo ou nun partido de fútbol. E ESTES DÍAS CON TODOS ESTES ACTOS CELEBRAMOS O SEU DÍA, A NOSA SOCIEDADE PENSOU NELES, FALOU DELES E FIXO QUE NÓS, COMO PAIS E NAIS, NOS SIGAMO SENTINDO CADA DÍAS MÁIS ORGULLOSOS DOS NOSOS “DOCES GUERREIROS”.

Porque isto todo é por e para eles, para que teñan unha vida plena e feliz cos mesmos dereitos e oportunidades, unha “vida normal”.

GRAZAS, GRAZAS, GRAZAS.

Actuación musical de Madialeva o venres 13 de novembro

Produciuse un cambio no noso programa de actividades do Día Mundial que queremos comunicar de xeito inmediato.
A actuación musical de despois do encendido do Concello de Pontevedra en Azul vai correr a cargo do Grupo de Cantareiras Madia Leva. 
Grupo de recoñecida renome na nosa sociedade que xa nos deleitou coas súas cancións o 1º ano que o Concello de Pontevedra se iluminou de azul.
E se queredes seguir gozando da súa música despois do noso pequeno acto do venres, non dubidedes en achegarvos ao Auditorio de Ribadumia, onde o domingo día 15 de novembro ás 19:00 horas ofrecerán un concerto de balde.

                                               (premede na imaxe para máis información)

Información na prensa

Grazas a todos os medios de comunicación que se están facendo eco das noticias.
Grazas a vós chegamos ao conxunto da sociedade.
Estas son son as noticias dos últimos días... estamos moi agradecidos.

http://pontevedraviva.com/xeral/23839/comedores-escolares-ensenaran-esta-semana-lo-que-come-un-nino-con-diabete/?phpcan_action=favoritos
http://www.lavozdegalicia.es/noticia/pontevedra/pontevedra/2015/11/10/anedia-disena-semana-actos-visibilizar-diabetes-infantil/0003_201511P10C5993.htm
http://www.elcorreogallego.es/galicia/ecg/colegios-publicos-vigo-pontevedra-coruna-educaran-ninos-diabetes-buena-alimentacion/idEdicion-2015-11-09/idNoticia-963039/
http://pontevedraviva.com/xeral/23857/milla-urbana-actos-anedia-diabete-dia-internacional-concello-azul/
http://www.farodevigo.es/portada-pontevedra/2015/11/10/pontevedra-celebrara-durante-tres-jornadas/1347896.html
http://www.laopinioncoruna.es/sociedad/2015/11/09/colegios-coruna-ofreceran-talleres-semana/1012028.html
http://www.stadiosport.es/articulo/galicia/comedores-escolares-pontevedra-vigo-coruna-afondan-cos-escolares-na-diabete-alimentacion-saudable/20151108235926046920.html
http://www.noticieirogalego.com/2015/11/lores-recibe-a-un-grupo-de-cativos-con-diabete-e-toma-nota-das-suas-demandas/
http://www.galiciahoxe.com/vivir-hoxe-galicia/gh/colexios-publicos-vigo-pontevedra-coruna-educaran-aos-nenos-diabete-boa-alimentacion/idEdicion-2015-11-08/idNoticia-962995/
http://www.farodevigo.es/portada-pontevedra/2015/11/05/cerca-centenar-ninos-pontevedra-convivir/1344877.html
http://www.pontevedra.gal/novas/2015/11/10/a-diabete-infantil-centra-os-actos-do-14-de-novembro-dia-mundial-da-enfermidade/
http://pontevedraviva.com/xeral/23739/lores-hablara-con-panaderos-cine-imd-demandas-ninos-diabete/?lang=gl
http://www.pontevedra.gal/novas/2015/11/04/lores-recibe-a-nens-con-diabete-e-toma-nota-das-suas-demandas/
http://pontevedraviva.com/galeria/1694/lores-hablara-con-panaderos-cine-imd-demandas-ninos-diabete-fotos/#/0

Actividades para conmemorar o Día Mundial

A programación de actos para conmemorar o Día Mundial da Diabete o 14 de novembro exténdese durante 6 días dende o 9 ata o 14 de novembro con actividades que fan referencia aos tres pilares básicos no coidado da diabete: exercicio físico, alimentación e medicación.

1.      A alimentación ímola abordar grazas á implicación dos comedores escolares. Todos os comedores escolares dos colexios públicos de Pontevedra e Vigo e boa parte dos do Concello da Coruña uniranse ao longo desta semana á conmemoración do Día Mundial da Diabete cunha serie de actividades destinadas a afondar no coñecemento da diabete, no seu impacto na idade infantil e, en xeral, nos hábitos de vida e alimentación saudables.  Anedia colabora coa empresa Serunion e coas asociacións de nais e pais para a posta en marcha desta iniciativa, que se desenvolverá entre este luns 9 e o venres 13 de novembro nos colexios públicos cuxos comedores escolares están xestionados por Serunion. 

2.      A medicación a través dunha charla informativa sobre a falta de adherencia ao tratamento da Diabete impartida por unha nutricionista, unha educadoras e unha psicóloga do Servizo Galego de Saúde. A charla será na Sala Valdecorvos da Casa Azul ás 18:30.

3.   O deporte coa milla pola diabete. É unha carreira lúdica e festiva para todas as idades e aberta a tódolos cidadáns que queiran participar (a partir dos 3 anos e dividida por categorías). A saída será a partir das 17:00 da tarde na Praza de España, onde rematará tamén tras un percorrido de case 1609 metros pola rúa Michelena de Pontevedra. Anedia regalará a cada participante unha bolsa de avituallamento cunha botella de auga e unha froita. Tamén haberá sorteo de agasallos entre tódolos participantes e trofeos e medallas para os gañadores (e para todos os nenos/as menores de 6 anos)

A maiores uníndoos todos e para tamén dar a coñecer a enfermidade ao conxunto da sociedade. O venres optamos por un acto público cunha finalidade lúdica e reivindicativa. A parte lúdica vén da man da Banda de música infantil de Campo Lameiro e do grupo tradicional Maravallada e a reivindicativa da parte dun manifesto que elaboraron os propios nenos/as de Anedia para que o resto da cidadanía saiba de primeira man como é o seu día a día e o que eles consideran necesario para melloralo e como colofón e facendo o mesmo que se fai en todos os lugares do mundo neste mesmo día o encendido en azul do Concello de Pontevedra. Estas actividades serán o venres 13 a partir das 19:00 na Praza de España.

Reunión co Alcalde de Pontevedra

Unha pequena representación dos nenos e nenas da asociación de nenos e nenas con diabete de Galicia (ANEDIA) reuníuse hoxe co alcalde do Concello de Pontevedra, Miguel Anxo Fernández Lores, co fin de facerlle chegar as peticións concretas que teñen para mellorar a cidade e a súa calidade de vida.

Os nenos trasladaron ao alcalde que, por ter diabete, pasan por moitas situacións nas que se sinten diferente aos demais, cousas da vida cotiá que os pais tratan de que acepten con naturalidade porque é algo que os vai acompañar toda a súa vida. Entre outras situacións, debeb medir a súa glicosa, inxectarse insulina, tomar determinadas racións de hidratos de carbono e, ademais, facelo todo en momentos concretos, aínda que estean no colexio, no parque, no aniversario dun amigo ou nun partido de fútbol. Ademais, algunhas veces pode que outros nenos/as vaian tomar unhas lambetadas ou un xeado e eles resignados que renuncian aínda que lles custe.

Así pois, os nosos nenos/as non só teñen que asumir o seu tratamento para estar ben, senón que ademais teñen que aceptar ser diferentes e que os demais o acepten a el/ela. É unha cuestión de autoestima, de facerlle ver as cousas o máis natural posibles e por suposto que se sinta integrado con seus iguais, para que non o vexan diferente. Xa que non nos esquezamos que a pesar de todas as cousas que implica a diabete, os nosos nenos/as poden e deben realizar todas as actividades do mesmo xeito que calquera outro neno/a.

De aí vén que queiran -e os seus pais tamén- conseguir unha integración total no seu ámbito habitual e lle soliciten ao máximo representante do Concello de Pontevedra a súa implicación neste tema. As demandas concretas que lle pediron ao alcalde de Pontevedra foron:

- Que as cafeterías e demais establecementos hosteleiros da cidade teñen bebidas adaptadas para persoas con diabete do tipo de: aquarius libre, fanta cero, trina sen azucre, zume sen azucre, cocacola light sen cafeína…de xeito que se poida crear unha rede de establecementos amigos das persoas con diabete que garantan o seu acceso a bebidas sen azucre e a una báscula que lles permita pesar os alimentos que van inxerir e saber que cantidade de hidratos de carbono posúe cada un deses alimentos.

- Aclararlle que un neno/a con diabete non necesita nin desexa compaixón; necesitan comprensión, aceptación e apoio. Enn primeiro lugar e sobre todo, o neno/a con diabete necesita e desexa sentirse tan único e especial como calquera outro compañeiro da súa clase.

- Que os monitores das actividades deportivas saiban resolver una hipoglicemia, de xeito que teñan sempre a man os hidratos de carbono de absorción rápida e lenta e saiban empregalos.

- Que os Reis Magos traían este ano caramelos sen azucre para repartir na cabalgata de reis.

- Que nas actividades lúdicas e deportivas que organiza o Concello de Pontevedra nas que se ofreza comida aos participante, estea garantida sempre a presenza de froitas e alimentos saudables aptos para eles e máis saudables para toda a poboación en xeral.

- Que fagan una comunicación aos Cines de Pontevedra para solicitarlle que os nenos/as e demais persoas con diabete tipo I poidan entrar cos seus suplementos de azucre necesarios para remontar unha hipoglicemia.

http://www.pontevedra.gal/novas/2015/11/04/lores-recibe-a-nens-con-diabete-e-toma-nota-das-suas-demandas/

http://pontevedraviva.com/xeral/23739/lores-hablara-con-panaderos-cine-imd-demandas-ninos-diabete/?lang=gl#/0

http://diariodepontevedra.galiciae.com/noticia/460816/os-nenos-con-diabetes-piden-que-os-reis-magos-repartan-caramelos-sen-azucre

http://www.farodevigo.es/portada-pontevedra/2015/11/05/cerca-centenar-ninos-pontevedra-convivir/1344877.html

I Milla pola Diabete

Como vén sendo habitual ANEDIA está preparando as actividades para conmemorar o Día Mundial da Diabete o 14 de Novembro con moito empeño para que a ninguén lle pase inadvertido o día.
Unha desas actividades é a I Milla pola Diabete "Que a diabete non te pare" na que agardamos contar con todos vós.
Será o día 14 de novembro a partir das 17:00 horas na praza de España de Pontevedra.

Apuntádevos en www.millapoladiabete.com

Alerta Sanitaria

Dende a Agencia Española de Medicamentos y Productos Sanitarios (AEMPS), chegou unha alerta sanitaria sobre a "posibilidade de obter unha lectura de glicemia erroneamente elevada coas tiras reactivas GLUCOMEN LX SENSOR".

Para máis información, poden consultar o comunicado completo na seguinte ligazón: http://www.aemps.gob.es/informa/notasInformativas/productosSanitarios/seguridad/2015/NI-PS_15-2015-glucomen-lx.htm

Transdiabete 2015

O domingo 11 de outubro a Asociación de Nenos e Nenas con Diabete de Galicia (ANEDIA) colaborou na organización nacional da Transdiabetes, unha andaina de relevos non competitiva que se vai levar a cabo en diferentes lugares de toda España. A nosa participación consistiu nunha camiñata polo último tramo do Camiño de Santiago Portugués.

A Transdiabetes leva un aro azul por todos os seus percorridos organizados ao longo de toda España coa meta de chegar o 14 novembro a Madrid ou á localidade onde se celebre o acto central do Día Mundial da Diabetes. No tramo que organizou Anedia o aro saiu de Padrón ás 9.00 horas e chegou ás 17.00 horas á praza do Obradoiro.

A actividade tivo unha duración aproximada de nove horas e estaba pensada para todos os públicos, de modo que se facilitou aos participantes que se incorporasen no punto do percorrido que desexasen ou que máis se adaptase ás súas necesidades ou condición física. Houbo múltiples paradas e contaou co asesoramento de Diego Castro, deportista pontevedrés con diabetes dende neno.

A partir das 15.00 horas tivo lugar unha comida de convivencia na Cidade da Cultura na que participaron as persoas que fixeron o percorrido organizado por Anedia e outras que chegaron dende as demais provincias galegas con actividades similares. Ao remate,realizamos xuntos o último tramo do percorrido ata a praza do Obradoiro. 

A participación de Anedia enmarcase no noso programa de actividades para a sensibilización e concienciación social en relación coa diabetes en idade infantil.

Os obxectivos da andaina era prestar apoio a outras persoas con diabetes, promover estilos de vida saudables que teñan un impacto favorable sobre a evolución e o prognóstico da diabetes, saír do illamento persoal e mediático e promover a cooperación social sobre a enfermidade.

Máis información en:

http://www.stadiosport.es/articulo/atletismo1/andaina-relevos-nivel-estatal-transdiabetes-tera-tramo-galego-da-man-anedia/20151005024407044775.html

http://www.farodevigo.es/portada-o-morrazo/2015/10/12/bueu-suma-transdiabetes/1330191.html

Telediario do 11 de outubro. http://www.crtvg.es/informativos/unha-marcha-pola-diabetes-demanda-recursos-e-formacion-1500361

Entrevista na Localia Vigo con Diego Castro. https://www.youtube.com/watch?v=JDeU7gvOQGs&list=PLGXwb0FNyA2yXUyyszGk-0RjDb5xIfKfL&sns=fb

http://www.farodevigo.es/portada-pontevedra/2015/10/06/carrera-estatal-relevos-transdiabetes-tendra/1326592.html

Entrevista a Diego Castro en Convivir en Igualdade. http://www.crtvg.es/rg/a-carta/convivir-en-igualdade-convivir-en-igualdade-do-dia-06-10-2015-1487089

Transdiabetes. O Camiño Portugués

Transdiabetes - Camiño Portugués

               A Transdiabetes é unha andaina de relevos non competitiva, levando un aro azul, representativo da diabetes en todo o mundo que se vai levar a cabo en diferentes lugares de toda España. Cito o exposto no dossier elaborado por Anna Skette mencionando os obxectivos da camiñada :

Obxectivos :

- Prestar apoio a outras persoas con diabetes

- Promover estilos de vida saudables que teñen un impacto favorable sobre a evolución e no prognóstico da diabetes.

-  Saír do illamento persoal e mediático.

- Promoción da cooperación social sobre a diabetes .

               A data para a camiña galega foi proposta o 11 de outubro pola mañá, onde pretendemos fusionar todos as saídas das catro provincias en Santiago de Compostela. A través Anedia en colaboración con calquera persoa ou entidade que queira unirse á marcha, presentamos o noso guión e consellos para domingo 11 de outubro :

               -Cada un dos participantes pode ir coa súa camisa, ou roupa de rúa, preferentemente de cor azul; pero o obxectivo deste proxecto é amosar unidade, de xeito que o logotipo amosado será unicamente o oficial. Na proposta de incluír dorsal (que se repartirán na chegada á cidade da cultura), poríase unha numeración e referencia á cidade de partida, no noso caso será Pontevedra. O dorsal sería adhesivo, aínda que é recomendable utilizar alfinetes de seguridade, e o seu prezo - a cubrir polos participantes, non máis que 50 céntimos. Orzamento solicitado na web: www.tododorsales.com

               -A saída está prevista dende Padrón (a 26 km da cidade de cultura) ás 9:00. Aínda que é posible facelo desde A Escravitude (a 20 km de cidade de cultura) ás 10:00 ou en Milladoiro (Agro dous Monteiros a 8 km) ás 12:00 aproximadamente. Ou tamén poden incorporarse xa na Cidade da Cultura.

               -A ruta será desviada ao chegar a Conxo, cercando Santiago de Compostela, para chegar ao punto de encontro e xantar na Cidade da Cultura aproximadamente 13:30 - 14: 00.

               -Vaise facer unha pausa na ruta despois de 3 horas de percorrido, en  Milladoiro (Agro dous Monteiros) de 30 minutos para recuperar a forza e xestionar con máis enerxía a última parte do camiño, do que restan 8 km.

               -Aínda que se pretende camiñar 6 km por hora, temos a intención de adaptarnos e descansar polo ben do grupo e cando sexa necesario.

               -Imos ser intelixente, se vemos un esforzo excesivo andar 26 km, é mellor incorporarse aos 20 km ou mesmo aos 8 para non atrasar o grupo, ou xa na cidade da cultura para o xantar. Unha das ideas xerais das transdiabetes é promover a actividade física entre as persoas con diabetes, pero sexamos conscientes das limitacións de cada un de nós e das nosas familias para afrontar unha distancia tan longa para os que non están afeitos.

               -Obrigatorio levar auga suficiente e / ou bebida deportiva e a contribución de carbohidratos de absorción lenta, téñase ou non diabetes. Anedia aconsella levar medio litro de isotónico, un litro de auga (unha botella de auga re utilizable), e xantar lixeiro (bocadillos de pavo ou varias barras enerxéticas e xeles) para non decaer durante a marcha. Zapatos axeitados e confortables (botas de sendeirismo suela branda é ideal), roupa respirable e impermeable, sombreiro e protector solar, dependendo do clima. Ademais, é aconsellable levar tamén unha camiseta de reposición.

               -Ademais, ás 14:00 está previsto o xantar na cidade de cultura, polo que é aconsellable tamén levar uns bocadillos maiores e, como un consello, un saco de noces e/ou outros froitos secos (pasas, dátiles, etc.).

               -Unha vez feita a primeira toma de contacto cos outros participantes de Galicia, vanse distribuír os dorsais identificativos idénticos para dar maior visibilidade á marcha co logotipo oficial da Transdiabetes .

               -Na cidade de cultura comeremos todos xuntos. Escolleuse este lugar para xantar xa que é un gran espazo onde hai baños, un bar e unha superficie cuberta onde se pode refuxiar de ser necesario.

               -Concertáronse visitas guiadas gratuítas pola cidade de cultura.

               -Finalmente, pola tarde, baixaremos todos en dirección á Praza do Obradoiro para a foto final colectiva que se difundirá nas redes sociais  e xornais.

Calquera dúbida sobre o proxecto ou o seu desenvolvemento na provincia de Pontevedra, estaremos á súa enteira disposición no teléfono 660 928 050 ( Diego Castro, vogal de deportes Asociación de nenos e nenas con diabetes de Galicia, ANEDIA).

Actividade 19 de setembro de 2015

A Xunta Directiva de ASSEII está organizando coa Federación Galega de Piragüismo e o Club de Piragüismo de Verducido UN DÍA EN FAMILIA PARA TODOS/AS. 

Esta actividade vai dirixida a todos os socios da citada asociación e a todos os socios de ANEDIA (aos que moi cordialmente invitan) e terá lugar o día 19 de setembro, sábado, dende as 11:00 ata as 20:00.

O lugar é o Pontillón do Castro en Verducido (Pontevedra) e o programa inclúe as seguintes peculiaridades:

1.- Un pequeno roteiro na contorna do Pontillón do Castro.

2.- Divertirse en familia mediante a navegación polo encoro do Pontillón do Castro coas piragüas autovaciables, cos seus chalecos e remos do clube de piragüismo que nos ceden gratuitamente o material e poñen á nosa disposición o seu persoal.

3.- Actividade de animación na que contaremos coa colaboración altruísta de dous Directores e Monitores de Tempo libre da Escola Paspallás.

Algúns aspectos que debemos ter en conta:

1.- Para que a actividade se desenvolva do mellor xeito posible a Federación Galega de Piragüismo pon á nosa disposición de forma desinteresada para os participantes as súas instalacións, con aseos e duchas.

2.- Se estás interesado/a en participar nesta iniciativa debes confirmar a túa asistencia antes do luns 14 de setembro a anediagalicia@gmail.com ou a digestivo.pontevedra@gmail.com, o motivo desta confirmación é facilitar ás entidades e persoas que colaboran altruistamente un número de asistentas coas que poden contar para o desenvolvemento da actividade ( indicando nome e apelidos das persoas, idades e telefono de contacto).

3.- Número de prazas 100

4.- As familias ou interesados/as que veñan a pasar o día no Pontillón do Castro, terán que traer a súa comida e merenda, pois cada un coñece mellor as súas necesidades alimenticias.

5.- Cóntase con zona para aparcar.

6.- Para as persoas que non saiban nadar, dicirvos que hai chalecos salvavidas e monitores para reforzar a actividade de piragüismo.

7.- Ademais aconsellámosvos que traiades calzado pechado para a auga. Imprescindible traxe de baño, roupa para cambiarse, toalla, gorra, crema protectora e ganas de pasalo ben!! (ou levar a maiores a roupa que consideres necesaria para a túa comodidade).

8.- En caso de chuvia manterase a actividade cun plan B, con xogos e cancións.

9.- Contamos dende a asociación cun seguro de responsabilidade civil para estas actividades.

10.-Notificarvos que estamos á espera de que o Club de Montañeiros nos confirme a súa colaboración nesta iniciativa.

Dende ASSEI agardan que esta iniciativa sexa do noso agrado xa que facer un despregamento de medios humanos e materiais de forma altruísta é un esforzo que se verá gratificado coa nosa participación.

Charla-coloquio agullas de insulina

Podedes seguir vía streaming a nosa charla coloquio sobre as agullas de insulina na seguinte url:
vaughnlive.tv/casazul
Se queredes facer algunha pregunta durante a emisión dirixidevos ao noso enderezo electrónico anediagalicia@gmail.com e responderémosvos en directo.
Moitas grazas por seguirnos e agardamos a vosa participación

Charla-coloquio sobre as agullas de insulina

A asociación de nenos e nenas con diabete de Galicia (ANEDIA), en colaboración coa Casa Azul, realizará mañá, venres 31 de xullo de 2015 ás 12:00 na Sala Valdecorvos da Casa Azul, unha charla coloquio sobre as agullas de insulina na que se abordarán as súas características, o uso correcto e realidades e mitos sobre as mesmas.

A charla está dirixida á poboación que padece diabete (tipo I ou tipo II) e precisa inxeccións diarias de insulina, tanto aos propios insulinodopendentes como aos seus coidadores directos. Terá unha duración aproximada de 50 minutos e, para todos aqueles que non poidan asistir, será retransmitida vía streaming, grazas á colaboración do persoal da Casa Azul, a través do blog da asociación e de redes sociais.

A través desta acción formativa, Anedia pretende dotar á poboación con diabete e aos seus coidadores dos coñecementos necesarios sobre as características técnicas das agullas de insulina, incidir na importancia do uso correcto das mesmas, expor unha explicación detallada dos distintos tipos de agullas existentes no mercado e os mitos e realidades existentes sobre as mesmas.

Un dos obxectivos fundamentais da actividade é concienciar de que as agullas de insulina, como dispositivo médico indispensable na diabete, se utilicen unha soa vez, debido a que a reutilización afecta ao control do tratamento e representa un risco importante.

A actividade correrá a cargo de tres poñentes: Diego Rey, responsable da empresa dispensadora de agullas de insulina do Sistema Galego de Saúde (Sergas) e coñecedor da realidade actual do concurso de agullas autonómico; Mar Fontán, paciente experta en diabete do Serga; e Ana Isabel Pérez, presidenta de Anedia.

Os obxectivos desta charla-coloquio son compartir impresións e opinións sobre a calidade das agullas, o posible dano na inxección, a estabilidade das mesmas ou a súa rixidez; xa que unha agulla inapropiada pode ocasionar dor, producir hematomas ou incluso alterar a correcta absorción desta hormona (imprescindible para os pacientes con diabete); e isto tendo sempre en conta e como premisa indispensable que as agullas de insulina non se deben reutilizar (atendendo a que unha persoa con diabete se pincha moitas veces ao día e xa é bastante duro ter unha enfermidade na que todo funciona a base de pinchazos, como para ter que facelo con máis molestias das necesiarias).

Se querede ir lendo máis información sobre as agullas de insulina podedes visitar as seguintes páxinas:

http://diabetesenlared.blogspot.com.es/2013/04/analizamos-las-agujas-de-insulina-1.html

http://www.picsolution.com/Prodotti/tabid/65/language/es-ES/IdItem/324/language/es-ES/Default.aspx

http://www.bbraun.es/cps/rde/xchg/cw-bbraun-es-es/hs.xsl/products.html?id=00020742190000000066

https://www.bd.com/es/diabetes/page.aspx?cat=31556&id=31852

http://www.infoconcurso.com/licitaciones/2014/464109-suministro-sucesivo-de-agujas-de-insulina-con-destino-a-las-estructuras-de-gestion-integrada-del-servicio-gallego-de-salud