sábado, 16 de xaneiro de 2016

CONCURSO "Venres Azuis"



 

 

Bases do concurso 

“Venres Azuis”. 

1. ANEDIA celebrará, ao longo do 2016, un concurso cada trimestre que se titulará “Venres Azuis”. Para participar no concurso haberá que cumprir os seguintes requisitos: 
a. Ser socio de ANEDIA. 
b. Mandar unha fotografía, ilustración ou debuxo dentro do prazo indicado coa temática “diabete” e con predominio de cor azul no mesmo. 
c. Máximo de 10 envíos por socio cada trimestre. 
d. Ceder os dereitos de autor e imaxe da fotografía ou ilustración, coa única finalidade de que ANEDIA poida publicala nas súas redes sociais (Facebook, Twitter, Instagram e blogue), en prol dos obxectivos de ANEDIA. 

2. ¿Cales son as datas dos catro concursos? 
a. Primeiro trimestre: 16 de Xaneiro – 31 de Marzo 
b. Segundo trimestre: 1 de Abril – 30 de Xuño 
c. Terceiro trimestre: 1 de Xullo – 30 de Setembro 
d. Cuarto trimestre: 1 de Outubro – 31 de Decembro 

3. ¿Onde envío as miñas imaxes? 
a. Soamente serán válidas as entregadas no correo electrónico da asociación, co asunto CONCURSO VENRES AZUIS.
b. En cada email poderase enviar máis de unha imaxe, debe figurar o nome e apelidos do socio. 
c. Lembra, 10 imaxes como máximo cada trimestre por cada socio. 

4. ¿Como sei se vou gañar? 
a. Se a túa imaxe é publicada nas redes sociais calquera dos 12 venres de cada trimestre, entrará na fase final. 
b. É obvio que cantas máis imaxes mandemos máis posibilidades teremos de que a nosa imaxe chegue á fase final. 

5. ¿Que é a fase final? 
a. Comezará inmediatamente despois do final de cada trimestre. Durará dende o día 1 ata o día 7 ás 23:59 horas de abril, xullo, outubro e xaneiro, segundo corresponda.
b. Na fase final crearase un álbum na páxina de Facebook de ANEDIA, onde se incluirán ás 12 imaxes participantes. 
c. Premiarase á fotografía que máis “me gusta” teña ao final da votación dentro do álbum creado por ANEDIA.  (Tamén valen calquera das novas interaccións como “me encanta”, etc.) 
d. Podedes compartila cos vosos amigos para acadar máis repercusión. 

6. ¿E que vou gañar? 
a. A imaxe con máis “me gusta” acadados levarase un bono “Spa Bienestar Moaña” para dúas persoas.
b. O bono permite o uso do circuito Termal Spa

Coa colaboración do  Spa Bienestar Moaña


martes, 5 de xaneiro de 2016

Cabalgata de Reis 2016

Na cabalgata serán todos sen glute, pero terán azucre. Xa chegan os Reis!! e este ano traen caramelos sen azucre en Pontevedra, Vigo, Ourense, Lugo, Pobra do Caramiñal... e ANEDIA estalle moi agradecida e así llo fixo saber no Pazo de Mugartegui en Pontevedra.







Por primeira vez e grazas á petición que os nosos nenos/as lle fixeron ao alcalde de Pontevedra e ao ben facer deste concello, todos os caramelos que os Reis Magos van repartir no Pazo de Mugartegui o día 5 de xaneiro van ser SEN AZUCRE.
Gozade nenos/as que isto é por e para vós.


Xa chegan os Reis en Vigo

Xa chegan os Reis a Ourense

Xa chegan os Reis a Pobra do Caramiñal